Need Help ?
Call: +977- 068520105

जिल्लाको बारेमा

स्वागत छ जिल्ला शिक्षा कार्यालय बागलुङमा !!!

बागलुङ जिल्ला नेपालको पश्चिमाञ्चल विकास क्षेत्र अन्तर्गत   धौलागिरी अञ्चलको दक्षिण तर्फपूर्व, पश्चिम फैलिएको रमणिय पहाडी जिल्ला हो । मिनि नेपाल र झोलुङ्गे पुलको जिल्ला उपनामले चिनिने यस जिल्ला धौलागिरी अञ्चलको सदरमूकामको रुपमा समेत रहेको छ । यो जिल्ला २८ १५' उत्तरदेखि २८ ३७' उत्तरी अक्षांश र ८३ देखि ८३ ३६' पुर्वी देशान्तरसम्म फैलिएको छ । यस जिल्लाको क्षेत्रफल १७८४ वर्ग कि.मी र २०६८ को जनगणना अनुसार कूल जनसंख्या २,६८,६१३ रहेको छ । जसमध्ये १,१७,९९७ पुरुष र १,५०,६१६ महिला रहेका छन् । यस जिल्लाको साक्षरता ७१.८८ जसमा पुरुष ८०.५९ र महिलाको साक्षरता दर ६५.२९ रहेको छ । यस जिल्लालाई राजनैतिक विभाजनका हिसाबले ५९ गा.वि.स., १ न.पा., १३ इलाका र ३ वटा निर्वाचन क्षेत्रमा विभाजन गरिएको छ । प्राकृतिक र सांस्कृतिक सम्पदाले धनी मानिने यस जिल्लामा गाजाको दह, उत्तरगंगा, कालिका भगवती मन्दिर प्रमुख धार्मिक स्थलका रुपमा प्रसिद्ध छन् भने ढोरपाटन शिकार आरक्ष, घुम्टेको धुरी, हाडिकोटको धुरी, रामकोट मन्दिर, गाजाको धुरी, भैरवस्थान, घोडाबाधेको चौर, गलकोट दरबार, संसारकोटको डाँडो, रुद्रावती ताल, निलदह आदि स्थलहरु पर्यटकिय एवं धार्मिक हिसाबले महत्वपुर्ण मानिन्छन् ।